جرافيك عن لعبة Left 4 Dead 2

Left 4 Dead 2

لعبة Left 4 Dead 2 تعتبر من افضل العاب الرعب , حيث تعتمد علي روح الفريق و القدرة و المهارة علي القتال و حماية افراد المجموعة .

يعني من الاخر اللعبة دي جامدة اخر حاجة , كفاية بس الجرافيك او القصة او الاصوات أو , أو , أو ..

شايفين الضربة و الحلاوة , يعني ضربه بالسيف طريقة الوقوع بتاعت الزومبي او الدم اللي طلع منه بطريقة مظبوطة , شايفين لمعان السيف نفسه !
اجمل حاجة فاللعبة انها بتهتم بأتفه حاجة .. يعني ممكن تلاقيهم راسمين ذرة الرمل فالارض بطريقة دقيقة جدا .. كان ممكن يحطوا فدماغهم ان محدش بياخد بالوا .. او يرسموا الارض مستوية السطح و نضيفة مافيهاش تراب ولا اي حاجة .. لأ اللعبة عندها قدرة رائعة و رهيبة و تمكن فالرسم جدا .

طيب ده بالنسبة للوحوش الزومبي الصغيرة او اللي بتموت بسهولة , تعالوا بقا نشوف الكبار العمالقة معني اصح .
بصراحة كفاية مناظرهم اصلا .. يعني لو واحد فكر يفتح الصورة و يبص فيها يترعب مش اشكال دي يحطوها فاللعبة , ده غير القدرة بتاعتهم فالمواجهة و الحرب , يعني الوحوش دي عندها قدرات غريبة جدا تقريبا ما شفتهاش فأي لعبة تانية .. تعالوا نشوف راسمين الاشكال دي ازاي .

يعني هو بصراحة شكله زي الفل و يفتح النفس , اهو ده تخيل بتقف قدامه ركب بتخبط فــ بعض ماسك بندقية ميئوس منها قدامه .
طيب تفتكر هتعمل ايه زي ما اتكلمنا عن سلسلة الرعب بتاعت جيمرز فيلد .. انك تجري , او تتكل علي الله و تحارب .

سلسلة الرعب مع GAMERSFIELD الجزء 1

انا عن نفسي احب اصطاد الحاجات الجميلة دي اوي , احيانا اه بغلب و انا بطاردها .. لكن مثل الكائنات دي .. لو جريت منه هيجري وراك .. لكن لو جريت انت وراه هو هيجري منك .. حاجة زي طباع الكلاب كده .

لكنها خدها مني نصيحة يا أخي اوعاك تجري .. لأنك مجرد ما هتجري و تيجي تبص وراك و تتمسك , ما اتمناش ابدا انك تتحط فالموقف ده .

أحب اوضحلك اكتر .. المنظر الجميل ده .

عامة اللعبة كلها تتلخص فجملتين :
انك تبقي علي قيد الحياة لأطول فترة ممكنة , و توصل للمكان او الواجهة بتاعتك قبل ما هما ياكلوك (O__O)
تسألني ليه ما تعرفش تهرب اقولك .. ان دول ما بيغلبوش من اي حاجة , سواء انت فوق او تحت لمين او شمال .. هما بيقدروا يتشعبطوا و يطلعوا فكل حتة .. يعني من الاخر يا باشا انت ميت ميت .

طيب انا عارف انهم كثير جدا .. لأ و كمان فيهم عمالقة و اقوياء جدا , لكن انت بتقدر تنتصر ليه .
بالبلدي كده .. اللي معندهوش عقل تجيبه زاحف وراك .. أوضحلك , هما عايزين يجروا وراك و خلاص .. يعني انت مثلا ما تقدرش تعملهم كمين ^_^
يا عم استخبي و خليهم يجولك ثبت انبوبة غاز فالارض اول ما يجي حد يقرب اضرب فيها هتفرقع و هيولعوا كلهم .. كل ده بطلقة واحدة منك ^_^

فلت واحد او اثنين مش هتغلب يعني , شقلبوا يا ريس ^_^

بصراحة اللعبة جميلة جدا .. مالهاش وصف غير انها اجمل لعبة لعبتها في تاريخ العاب الرعب .
عايز تعرف اكثر عن انواع العاب الرعب .. يبقا موضوع سلسلة الرعب الجزء الثاني .

سلسلة الرعب مع GAMERSFIELD الجزء 2 هتلاقي انواع رعب و هتفهم معني الرعب الحقيقي في عالم الالعاب .

كان معكم TigerTC من صفحة GamersField القاكم فالجزء القادم .. Chao For Now ^_^